Encyclopaedia of the Hellenic World, Asia Minor

advanced search

 FOUNDATION OF THE HELLENIC WORLD
z
 
 
 
 
 
 
 
 
 
Αναζήτηση με το γράμμα AΑναζήτηση με το γράμμα BΑναζήτηση με το γράμμα CΑναζήτηση με το γράμμα DΑναζήτηση με το γράμμα EΑναζήτηση με το γράμμα FΑναζήτηση με το γράμμα GΑναζήτηση με το γράμμα HΑναζήτηση με το γράμμα IΑναζήτηση με το γράμμα JΑναζήτηση με το γράμμα KΑναζήτηση με το γράμμα LΑναζήτηση με το γράμμα MΑναζήτηση με το γράμμα NΑναζήτηση με το γράμμα OΑναζήτηση με το γράμμα PΑναζήτηση με το γράμμα QΑναζήτηση με το γράμμα RΑναζήτηση με το γράμμα SΑναζήτηση με το γράμμα TΑναζήτηση με το γράμμα UΑναζήτηση με το γράμμα VΑναζήτηση με το γράμμα WΑναζήτηση με το γράμμα XΑναζήτηση με το γράμμα YΑναζήτηση με το γράμμα Z

Nicaea (Byzantium), Cult of St. Tryphon

Author(s) : Kastrinakis Nikos (6/22/2005)
Translation : Velentzas Georgios

For citation: Kastrinakis Nikos , "Nicaea (Byzantium), Cult of St. Tryphon",
Encyclopaedia of the Hellenic World, Asia Minor
URL: <http://www.ehw.gr/l.aspx?id=8511>
Νίκαια, Λατρεία Αγίου Τρύφωνος (11/10/2006 v.1) Nicaea (Byzantium), Cult of St. Tryphon (2/15/2007 v.1) 

Quotations
 

Encomium of St Tryphon by Theodore II Laskaris

‘Οὕτως ἠγωνίσατο ὁ γενναῖος καὶ τοιαύτας τὰς ἀμοιβὰς ἔλαβε, τὰς ἐπουρανίους καὶ ἐπιγείους, ἐκείνας περὶ αὐτόν, ταύτας διὰ τοὺς προσκαλουμένους αὐτόν. ἀνθεῖ γὰρ καθ’ ἑκάστην τὰ θαύματα, ῥαίνει τὰς δωρεάς, πλημμυρεῖ τάς εὐεργεσίας. Δράμετε ἄνθρωποι οἱ νοσοῦντες πρὸς τὸν ἰατρόν, οἱ αἰτοῦντες πρὸς τὸν χορηγὸν τῶν καλῶν αἰτημάτων, οἱ πάντες πρὸς τὸν πάντα μεσιτεύειν δυνάμενον εἰς Θεόν. καὶ μηδεὶς στραφήτω κενός, τὴν προαίρεσιν φέροντες καὶ τὰς εὐεργεσίας ἀντιλαμβάνοντες. οὐ γὰρ ἐστι τοῦτο δεόμενον ἐξετάσεως. ὁ κόσμος βοᾷ, καὶ τὰ ἔργα κηρύσσει διαπρυσίως καὶ γνησίως ὡς καλοῦ προμάχου καὶ ἀσφαλοῦς ἡ πόλις τῶν Νικαέων. ἐν ταύτῃ γὰρ τὸν ἀγῶνα τοῦ μαρτυρίου διήνυσε καὶ τανῦν ἐν ταύτῃ τέλει τὰς μεγαλουργίας, κρίνων ἀνθήσεις παραδόξους καὶ ἐκβλαστήσεις ἐνιαυσιαίους καρποφορεῖ εὐλογίας, ὢ τοῦ θαύματος, ἐν παγετῷ καὶ χιόνι τε καὶ χειμῶνι ἀνθεῖ τὸ κρίνον τῇ τοῦ μάρτυρος λυχνίᾳ ἐγκείμενον. Μετὰ γὰρ τὴν ἐκκοπὴν τούτου συντελουμένου ἐνιαυτοῦ, καθ’ ἣν ὥραν τὸ ἑωθινὸν τελεῖται ὑμνώδημα καὶ τοῦ ἀθλοφόρου καλλιεπῶς ἐξᾴδονται τὰ ἐγκώμια, τὸ ξηρὸν ἐκ τοῦ πάραυτα ἀχρόνως βλαστάνει τὴν αἴσθησιν διαφεῦγον κατὰ βραχύ. Καὶ ὁρᾶ τότε τὸ πλῆθος τὰ τοῦ Τρύφωνος θαύματα. τοῦτο βασιλεῖς ἐθεάσαντο πατριάρχαι τε ἑωράκασι. τοῦτο σέβεται ὁ λαὸς πᾶς, πιστὸς μᾶλλον ἐκ τούτου στηρίζεται. δαίμονες δραπετεύουσι τῇ θαυματουργίᾳ, νοσήματα φυγαδεύονται, αἰτήσεις πιστῶν πληροῦνται, μία πανήγυρις τότε πάνδημος, ὅτε δὴ τελεῖται αὐτό, βρεφῶν, νηπίων, μειρακίων, ἀνδρῶν, γερόντων, πρεσβυτῶν, γηραλέων, γυναικῶν, κοσμίων, στρατευομένων, ὑποτελετῶν, ἱερέων, μοναχῶν ὁρῶσα καὶ σκιρτώσα αὐτῷ πᾶν γένος καὶ ἡλικία πᾶσα. οὐ γὰρ ἐστι τὸ γιγνόμενον ὡς ἐν γωνίᾳ καὶ ὑποσκίῳ τόπῳ τινι γινόμενον, ἀλλ’ ἐν ἐκκλησίᾳ Θεοῦ. Διὰ τοῦτο δεῖ πάντας τὸν μέγαθλον Τρύφωνα διὰ θαύματος ἐγκωμιάζειν ὅτι πολλοῦ. Ἐμὲ δὲ καὶ μάλιστα καὶ ὅσον κατ’ οἶκτον ὃν ἔλαβον παρ’ αὐτοῦ ἀξιοπρεπῶς ἀμελεῖ καὶ ἐπιτέρπεσθαι ταῖς τούτου μεγαλουργίαις καὶ ἐπιγάννυσθαι καὶ ἐνθουσιᾶν, ὡς ὁ θεοπάτωρ Δαυΐδ ἐπὶ τῇ καταπαύσει τῆς κιβωτοῦ, ἵνα θαυμαζομένου τοῦ δούλου, ἡ τιμὴ διαβαίνῃ πρὸς τὸν δεσπότην’.

Published in Foss, C., Nicaea, A Byzantine Capital and its Praises (Brookline-Mass. 1990), pp. 105-6.
 
 
 
 
 

Entry's identity
 
press image to open photo library
 

>>>
 
 
 
 
 
 

copyright © 2008, FOUNDATION OF THE HELLENIC WORLD

The project "ENCYCLOPAEDIA OF THE HELLENIC WORLD" is co-funded from the European Union by 80% and from the Hellenic State by 20% through the Operational Programme Information Society.

The project "GREAT INTERNET "ENCYCLOPAEDIA OF HELLENIC CULTURE" - PART A'" is co-funded from the European Union by 80% and from the Hellenic State by 20% through the Operational Programme Information Society.